देव माझा किती देखणा

।। देव माझा किती देखणा ।।

देव माझा किती देखणा
ओठ गुलाबी छान
आरवलीवर उभे हे
सुंदर काळे ध्यान ।

गुलाबाच्या या जणू पाकळ्या
ओठ हे सुंदर छान
रुप त्याचे किती देखणे
हरपले माझे भान ।

हात त्याचे किती मुलायम
बोटे ही सुंदर छान
स्पर्श त्याचा किती मुलायम
मोरपीस जणू छान ।

भव्य दिव्य हे कपाळ त्याचे
रुप हे दैदिप्यमान
भाळी शोभे सुंदर टिळा
पाहूनी हरपले भान ।

डोळ्यांचे या काय करु वर्णन
त्यात सामावले सारे त्रिभुवन
डोळ्यांच्या या दोन ज्योती
जणू चंद्र सूर्य तळपती ।

धारदार ही सुंदर नासिक
लुटे भक्तिच्या सुगंध
नासिका ही जणू चाफेकळि
देई मना आनंद ।

पाऊले त्याची किती मुलायम
मखमालिहूनी मऊ हसतील जाण
सुख लाभे पायी त्याच्या
अर्पीले मी तन मन धन ।

<< मोहक सुंदर आरती        वेतोबाचे नामस्मरा >>