आरवली आहे माझी

।। आरवली आहे माझी ।।

आरवली आहे माझी । दुसरी पंढरी
उभे देव वेतोबा हे । विठ्ठलाचे परी ।।धृ ।।

प्रेम जणु त्यांचे वाहे । चंद्रभागे परी
भावे करिती जे स्नान । तयासी उद्धरी ।।१।।

नामाचा गजर चाले । झान्ज टाळावरी
भक्तां सह नाचु लागे । वेतोबाची स्वारी ।।२।।

रुप सावळे बघावे । एकदा संसारी
लोचनी भरावी मुर्ती । स्मरावी अंतरी ।।३।।

भक्त रक्षण्या धरिला । खङग अग्नी करी
नसे तयांचे दासाला । जगी कणी वैरी ।।४।।

माय बाप नित्य करी । कृपा दासांवरी
अपराध बालकांचे । घेईल पदरी ।।५।।

अवतरे दुजे आता । वैकुंठ भूवरी
आरवली म्हणोनी । करावीच वारी ।।६।।

<< उठा उठा हो श्री वेतोबा        पालखीत बैसला >>