श्री गणेशायनमः
भाव भक्तिनें जो ध्यातो
एकदंत त्या पावतो ।। धृ ।।
आदि विश्वाची उत्पत्ती
वेद निर्मि गणपती
कृपा दृष्टिने बघतो
सर्व मांगल्ये अर्पितो ।। १ ।।
रिद्धी सिद्धी गजानन
तुझा कार्यारंभी मान
जैसा भाव तैसे देतो
दास भक्तांचाही होतो ।। २ ।।
धांव पाव रे ओंकारा
दीनानाथा लंबोदरा
गोड नाम जो स्मरतो
त्याचे हेत पुरवितो ।। ३ ।।
मला आपुले म्हणावे
तुझे आलिंगनी घ्यावे
ऐसी कृपा मी भाकतो
पदी आशिष मागतो ।। ४ ।।
गुरुरूप विनायका
माझी करुणा ही ऐका
“गीत दत्तात्रेय” गातो
दूर्वांगीते मी वाहतो ।। ५ ।।
Click to rate this post!
[Total: 0 Average: 0]