भक्तांचे कैवारी (तस्कर कथा) (अ-१०)
भक्तांचे श्रीगुरु कैवारी !
स्वये रक्षिती परोपरी ।। धृ ।।
फसवुनि विप्रा नेती काननी
तस्कर पळती तयास बघुनी
यति वेषें तो स्वयें प्रकटुनी
सर्व पकडुनी तस्कर मारी ।। १ ।।
वृद्ध तस्करा भस्म देऊनी
लाव म्हणती रे भक्ता वदनी
सभोवताली बघतां उठुनी
विप्रा दिसती मृत सहकारी ।।२।।
तस्कर बोले अघटित घडले
फसवुनी तुजला ज्यांनी वधिले
वधुनी तयांना, तुला उठविले
कळे न होता कोण श्रीहरि ।। ३ ।।
कोण रक्षितो सांगा गुरुविण
प्रेमे प्रतिपाळुन हे जीवन
भक्तां दिधलें नव संजीवन
पाय गुरुचे भवभय हारी ।।४।।
Click to rate this post!
[Total: 0 Average: 0]