॥ श्री देवदत्त महाराजांची आरती ॥
आरती देवदत्ता । प्रेमानंदाने करिता
शुभपद आराधिता । मिळे सुखाची सुबत्ता ॥धृ।।
बायजीने बालपणी । स्तन्य पाजिले निर्गुणी
दत्तकृपा गुळवणी । सप्तऋषींची कहाणी
दत्तःसंग अंगी येता । झाली कृपेची सांगता ॥१।।
सिद्धहस्त देवदत्त । झाले पहा कृपावंत
धन्य झाले सर्व भक्त । कल्पवृक्षाची संगत
संतोषाने मनी भजता । हरे भवभय चिंता ॥२॥
देवदत्त एक ध्यान । सर्व निःसंग साधन
संसाराचे पारायण । व्हावे पूर्णता विलीन
अमृत नामगाता । परमानंदाची प्राप्तता ॥३।।
देवदत्त देवदत्त । यात रमावे हे चित्त
जीवन व्हावे अमृत । हेची आजन्माचे हित
कनवाळू भगवंता । भक्तहिताचा रक्षिता ॥४॥
-मधुकर सुळे, बडोदा
Click to rate this post!
[Total: 0 Average: 0]
